Category Archives: Գրքեր

Դոստոևսկի

book cover

ԴՈՍՏՈԵՎՍԿԻ / Յու. Սելեզնյով: Ռուսերենից թարգմ.՝ Սամվել Գասպարյանը: «Արեգ» հրտարակչություն. 2016.–688էջ:

Կենսագրական բնույթի այս գիրքը պատմում է Դոստոևսկու դաժան փորձություններով լի կյանքի մասին: Յու. Սելեզնյովն ընթերցողին ծանոթացնում է բարոյական, սոցիալական և քաղաքական այն խնդիրներին, որոնք ալեկոծեցին «Ոճիր և պատիժ», «Ապուշը», «Չարքերը», «Կարամազով եղբայրներ» գրքերի հեղինակի հոգին:

Գողը

book cover

Գուրգեն Եղիազարյան ԳՈՂԸ: Վեպ / Եր.: «Արեգ» հրտարակչություն. 2016.–256 էջ:

Գուրգեն Եղիազարյանի նոր դեդեկտիվ վեպի առանցքը կազմում է անցյալ դարի երկրորդ կեսին Խորհրդային Հայաստանի Պետական բանկի աղմկահարույց գողությունը: Գողություն, որն իր մտահղացման և իրականացման կատարելությամբ, որպես ՙդասական՚ օրինակ, կարող է տեղ գտնել քրեագիտության դասագրքերում: Վեպի գլխավոր արժանիքներից մեկը նկարագրվող դեպքերի հավաստիությունն է. այն տարիներին լինելով այդ հանդուգն հանցագործությունը բացահայտող օպերատիվ խմբի անդամներից մեկը` հեղինակը գողության բացահայտումը ներկայացնում է ՙառաջին ձեռքից՚` այնպես, ինչպես եղել է իրականում (անշուշտ, թույլատրելիության սահմաններում):

«Գայլի հանգույց» գործողությունը

book cover

Հասարակական-քաղաքական հայտնի գործիչ, անվտանգության պահեստազորի գնդապետ Գուրգեն Եղիազարյանի ներկա՝ թվով չորրորդ գիրքը, հուսով ենք, այս անգամ նույնպես սիրով կընդունեն նրա ընթերցողները:

«Գայլի հանգույցը» քաղաքական դեդեկտիվ է, որտեղ հեղինակը ներկայացնում է աշխարհի լավագույն հատուկ ծառայություններից մեկը համարվող Թուրքիայի արտաքին հետախուզության` ՄԻՏ գործունեությունը նորանկախ Հայաստանի հանրապետությունում՝ ահաբեկչական գործողություններ իրականացնելուց օրինակ, ինչպես համոզված է հեղինակը՝ հոկտեմբերի 27-ի ահաբեկչությունը¤ մինչþ հայ զբոսաշրջիկ-առևտրականների, հատկապես՝ կանանց¤ հավաքագրումը: Վեպում կարմիր թելի պես անցնում է հետþյալ միտքը. մեր հատուկ ծառայությունները պետք է միշտ զգոն լինեն և պատրաստ՝ դիմակայելու ՄԻՏ-ին þ չեզոքացնելու Հայաստանում գործակալական ցանց ստեղծելու նրանց ամենօրյա փորձերը: Մյուս կողմից՝ գիրքը զգուշացում է նաþ Թուրքիայի հզոր տնտեսության ոլորտում հայտնված մեր հայրենակիցներին, որպեսզի նրանք ակամայից չհայտնվեն ՄԻՏ-ի գործակալների, այդ թվում՝ «գորշ գայլերի» վարպետորեն հյուսած և հյուսվող թակարդներում:

Վեպում առանձնահատուկ տեղ է հատկացված նաþ Թուրքիայում բնակվող քրդերի ու եզդիների խնդիրներին:

Տարբեր երկրների` Ռուսաստան, Չինաստան, Թուրքիա, իհարկե՝ նաև Հայաստան¤ պատմությանն առնչվող մի շարք հայտնի և քիչ հայտնի ուշագրավ անցքերի յուրովի, թեկուզ՝ երբեմն վիճելի մեկնաբանությունների, ծավալվող դեպքերի աշխարհագրական ընդգրկուն տարածքի՝ ոչ միայն Հայաստան, այլþ Թուրքիա, Վրաստան, Յալթա…, ինչպես նաþ զոհին հետապնդելու և հետքերը խճճելու, սպանությունների տարբեր ձևերի ու հնարքների նկարագրությունների շնորհիվ «Գայլի հանգույցն» ընթերցվում է չթուլացող հետաքրքրությամբ, մի շնչով: Այնպես, ինչպես բոլոր լավագույն դեդեկտիվ գրքերը…

Պարույր Սևակ. Ընտիր էջեր

book cover

Պարույր Սևակ. Ընտիր էջեր

Կազմող` Արմեն Ղազարյան

Գինը՝ 1600 դրամ: Վաճառվում է Նոյան տապան, Բուկինիստ գրախանութներում:

Սույն ընտրանին կազմել է Պարույր Ս¨ակի որդին` բանասիրական գիտությունների թեկնածու Արմեն Ղազարյանը: Ժողովածուն կազմելիս հրատարակչությունը հայ մեծանուն բանաստեղծի լավագույն բանաստեղծությունների հետ միասին ընդգրկել է նա¨ այն նյութերը, որոնք նախատեսված են դպրոցական ծրագրի շրջանակներում: Հատորյակի վերջում զետեղված է «Անցյալը ներկայացած» ծավալուն ինքնակենսագրականը:

Անահիտ

book cover

Ղազարոս Աղայան, Անահիտ

Դպր. կրտսեր տարիքի երեխաների համար – Եր.: Արեգ, 2011. – 96 էջ

Ղազարոս Աղայանի <Անահիտը>, ի տարբերություն գրողի մյուս հեքիաթների, հրաշապատում բնույթ չունի: Նրանում բացակայում են սարսափազդու հրեշները, կախարդական հրաշքները, որոնց առկայությունը հեքիաթներում այնքան անհրաժեշտ էր համարում հեղինակը` երեխաներին անվախ ոգով դաստիարակելու համար:

Նեմեսիս գործողությունը

nemesis_arm

ՆԵՄԵՍԻՍ գործողությունը. Սողոմոն Թեհլերյան / Կոսսի Պաոլո, Ժ.-Բ. Ժիան, Ժան Վարուժան – Եր.: «Արեգ» հրատարակչություն, 2015. – 68 էջ:

Սույն պատկերապատումների հիմքում ընկած է հայ ժողովրդի մեծագույն զավակ Սողոմոն Թեհլերյանի դատավարության սղագրությունը: Գրքի վերջում զետեղված մի շարք արխիվային փաստաթղթերն ու քարտեզները ավելի են բարձրացնում այս հրատարակության արժեքը: Կարևոր է նաև այն, որ թուրք բարբարոսների իրականացրած հայերի ցեղասպանությանը անդրադարձել է պատկերապատումների բնագավառում իտալացի հանրահայտ նկարիչ Պաոլո Կոսսին: Գիրքը արդեն լույս է տեսել ֆրանսերեն և անգլերեն:

Թումանյան

book cover

Հովհաննես Թումանյան, հեքիաթներ, առակներ, պոեմներ

գինը 1400 դրամ:

Ահա արդեն գրեթե մեկ դար է, ինչ հայ ժողովուրդը անդավաճան նվիրվածությամբ ու զարմանալի հետևողականությամբ ընթերցում և վերընթերցում է Հովհ. Թումանյանին: Ահա արդեն գրեթե մեկ դար ամենայն հայոց բանաստեղծը եղել և մնում է հայ ընթերցողի (թե՛ մեծերի, թե՛ փոքրերի) ոչ միայն ամենասիրված, այլև ամենաշատ ընթերցվող գրողը. նրա երկերի բազմահազար տպաքանակները սպառվել և այսօր էլ սպառվում են «մի շնչով»: Հայ ընթերցողի կողմից նման պատվի չի արժանացել և ոչ մի հեղինակ…

Ահա թե ինչու «Դպրոցական գրադարան» մատենաշարի առաջին «բնակիչը» պետք է անպայման լիներ Հովհ. Թումանյանը: Այս մատենաշարը նորություն չէ մեր գրահրատարակչական բնագավառում. նրան ծանոթ են անցյալ դարի երկրորդ կեսերի «Լույս» հրատարակչության ընթերցողները: Վերաբացելով «Դպրոցականի գրադարանը»` «Արեգ» հրատարակչությունը հավակնում է լույս ընծայել այնպիսի ժողովածուներ, որոնք ոչ միայն անհրաժեշտ են մեր դպրոցահասակ ընթերցողին, այլև կարող են համալրել նրա անձնական գրադարանի լավագույն գրքերի շարքը:

Ներկա հատորը Հովհ. Թումանյանի անմահ ստեղծագործությունների մի ամփոփ ընտրանի է, որտեղ նույն «տանիքի տակ» տեղ են գտել մեծ գրողի գրական հարուստ ժառանգության լավագույն նմուշները` հեքիաթներ, պատմվածքներ, պոեմներ, լեգենդներ ու բալլադներ, բանաստեղծություններ, քառյակներ: Ինչ խոսք, «Դպրոցական գրադարանի» այս հատորը հասցեագրված է ոչ միայն դպրոցահասակ ընթերցողին…

Առակներ

book cover

ԱՐԵԳ հրատարակչություն. Վարդան Այգեկցի, Մխիթար Գոշ. <Առակներ>

գինը 1100 դրամ:

Վարդան Այգեկցու և Մխիթար Գոշի առակների սույն ժողովածուն <Դպրոցականի գրադարան> մատենաշարի երկրորդ գիրքն է: Ներկայացվող շուրջ 80 առակները այսօր էլ չեն կորցրել իրենց այժմեականությունը, ընթերցողներին հորդորելով հեռու մնալ մեծամտությունից, ագահությունից, չարությունից, ընչաքաղցությունից և մնացյալ բոլոր այն արատներից, որոնք մարդու առջև փակում են դեպի բարին ու վեհը տանող ճանապարհը:

Հայաստանի և հարակից երկրների ավտոճանապարհների ատլաս

Untitled_29

Հայաստանի և հարակից երկրների ավտոճանապարհների ատլաս: Կազմող՝ Գրիգոր Բեգլարյան:

Կազմը՝ փափուկ, լամինացված, 24 էջ, 16,5սմx24սմ քաշը՝ 100 գրամ, գինը՝ 1000 դրամ:

Ատլասն ամփոփում է Արցախի, Վրաստանի, Իրանի Թուրքիայի, Հյուսիսային Կովկասի ավտոճանապարհների քարտեզները:

Յոթ խրատական հեքիաթ

Untitled_25

Յոթ խրատական հեքիաթ

Կազմը՝ փափուկ, 40 էջ, 14,5 սմ x 20,5սմ, գինը 600 դրամ:

Հայ ժողովրդական հեքիաթները իմաստուն գեղարվեստական արտահայտություններ են, անհուն գանձարան, որի անզուգական նմուշներից օգտվել և դրանք գեղարվեստական մշակման են ենթարկել հայ դասականներից շատերը (Հովհ. Թումանյան, Ղ. Աղայան, Ավ. Իսահակյան, Դ. Դեմիրճյան և այլն): Ընթերցողին ներկայացվող խրատական հեքիաթներով «Արեգ» հրատարակչությունը ձեռնամուխ է լինում նոր մատենաշարի` ՙԵրկնքից ընկավ երեք խնձոր՚ խորագրով:

Շարլ Ազնավուր. Երգեր և բանաստեղծություններ

Untitled_28

Շարլ Ազնավուր. Երգեր և բանաստեղծություններ՚: Թարգմանությունը` Սամվել Գասպարյանի (հայերեն և ֆրանսերեն):

Կազմը՝ կոշտ, լամինացված,192 էջ, 7,5 սմ x10սմ, գինը 1.200 դրամ:

Հուշանվերային այս հրատարակությունը ամփոփում է մեծանուն երգչի 35 երգ՝ հայերեն և ֆրանսերեն լեզուներով:

Հայերենի ինքնուսույց

inqnusuyc

 Հայերենի ինքնուսույց (2-րդ հրատարակություն): Լուսիկ Մաքսուդյան, Մարիամ Կիրակոսյան

Կազմը՝ փափուկ, լամինացված, 192 էջ, 17 սմ x 20 սմ, քաշը՝ 410 գրամ, գինը՝ 1200 դրամ:

Ձեռնարկն ամփոփում է ժամանակակից հայերեն լեզվի հնչյունաբանության, ձևաբանության և շարահյուսության դասընթացը: Քերականական նյութերը տրվում են դասերով, որոնք ունեն համապատասխան վարժություններ: Ինքնուսույցը հասցեագրված է բոլոր ռուսալեզու ընթերցողներին, որոնք ցանկանում են սովորել հայերեն և չեն տիրապետում (կամ բավարար չեն տիրապետում) հայերենին: